حافظ شاهه ’ناطق‘ حسيني: سيد حافظ شاهه’ناطق‘ حسيني سنڌ جي تاريخي شهر ٽکڙ ۾ 26 فيبروري 1926ع تي جنم ورتو. علمي ماحول سبب ننڍپڻ کان ئي سندس لاڙو شعر ۽ ادب ڏانهن هو. 1954ع ڌاري حيدرآباد اچي مئٽرڪ پاس ڪيائين. ڊي. جي سنڌ نيشنل ڪاليج حيدرآباد مان انٽر ڪري 1950ع ۾ سنڌ مدرسة الاسلام ڪراچيءَ مان وڪالت پاس ڪيائين. حافظ شاهه ’ناطق‘ مضمون نويسي ۽ افسانه نگاريءَ ۾ به چڱو جوهر ڏيکـاريـو. ســندس لکـيـل ڪـتابـن ۾: (1) ’تبـاهـي‘، (2) ’داسـتـان غــم‘، (3) ’ڏوهاري ڪير‘ (1958ع)، (4) ’عورت‘ (1956ع) ۽ (5) ’چلولي‘ شامل آهن. اداري سنڌي ادب ٽنڊي محمد خان جو 15 سال صدر رهيو. سندس شاعريءَ جو دامن غزل جي رنگينيءَ ۽ پختگيءَ سان ڀريل آهي.
1926.02.26 عيسوي
سيد حافظ شاهه’ناطق‘ حسيني سنڌ جي تاريخي شهر ٽکڙ ۾ 26 فيبروري 1926ع تي جنم ورتو.